般尼茅夫主勝穩陣

猪拉多纳

般尼茅夫今晚英冠迎戰賓福特，1.72倍主勝係不二之選。般尼茅夫季前備戰做得唔錯，聯賽首戰作客4蛋怒炒哈特斯菲爾德，前線新援哥林威爾遜極速融入球隊，個人梅開二度，加上日前喺英聯盃再輕鬆派兩蛋畀埃克塞特，成班波上晒力，今輪首度主場出戰，點會失威！
賓福特爭啲輸畀乙組仔

對手賓福特就剛好相反，佢哋聯賽首仗主場鬥查爾頓，踢到完場前至艱苦逼和，跟住喺英聯盃雖然收起唔少主力，但對手只不過係乙組仔杜根咸，竟然踢足百二分鐘後打和6:6，最後靠射贏12碼至能夠晉級，狀態咁曳信唔過。