里昂作客有利可「圖」

猪拉多纳

力求重振聲威嘅里昂今晚將會作客圖盧茲，睇番佢哋喺新帥方尼亞帶領下表現對辦，足智彩開出平手盤，梗係支持2.12倍里昂。

（TVB302周日凌晨2:00直播）
圖盧茲對護級分子都輸

連埋歐霸盃賽事，里昂開季已經取得3連勝，當中更攻入8球咁多，睇到班波已經適應好新戰術，呢支昔日法甲冠軍終於見到復甦迹象。賽前球隊仲收到好消息，中場哥古夫、中堅巴卡尼干尼復出，陣容更見完整，有力再下一城。

圖盧茲上仗出師不利，作客對住上季差啲降班嘅尼斯竟然畀人連追兩球，反勝為敗，難為教練卡辛路華仲話球隊表現唔差。對住護級分子都踢成咁，今晚面對級數高幾班嘅里昂點頂吖！