鹽湖浸瓜海灣者

猪拉多纳

周日凌晨美職上演西岸榜首大戰，皇家鹽湖城迎戰西雅圖海灣者。「西岸二哥」鹽湖城主場硬淨到爆，今季聯賽12戰僅輸1場，最近更打出一段5戰3勝2和不敗走勢，首席射手祖奧柏拉達狀態亦唔錯，連續兩仗主場都搵到入波，表現值得信賴，一於揀2.02倍主勝。

（TVB301周日凌晨02:30直播）
海灣者作客唔識贏

「西岸一哥」海灣者，喺美職連同美聯盃兩連勝，總計攻入8球冇失波，成績亮麗。但值得留意，佢哋兩場贏波都喺主場出擊，近兩場聯賽作客西岸排名較低嘅溫哥華白帽同聖荷西地震，最後都吞蛋輸波。今場喺箭頭馬田斯坐波監下，造訪戰鬥力更強嘅鹽湖城，都幾難偷雞。