多倫多「大」戰肯薩斯

猪拉多纳

FC多倫多今季火力急升，唔少球迷都歸功射手迪科爾，查實佢班隊友都唔嘢小。聽朝球隊作客肯薩斯體育會，就算冇咗迪科爾一樣夠料喪攻對手，撐1.8倍入球大。

（TVB301周日早上8:30直播）
多倫多入波數字多過上季

美職聯賽打咗三分二左右，多倫多已經攻入咗32球，入波數字已多過上季球隊總和。咪以為佢哋淨係得英格蘭前鋒迪科爾交到貨，其實箭頭勞基摩亞、基拔圖蘇沙亦連續2場建功，今仗肯定再接再厲，證明球隊唔係「一人球隊」！

但睇番多倫多近8仗正式賽事失14球，防線勁曳。肯薩斯體育會為保「東岸一哥」位置肯定唔會坐以待斃，加上肯薩斯連續8場賽事都有失波，一場大手交易睇怕走唔甩。