冷門伺機紛紛出籠

不死鸟

上周末賽果如同天氣忽晴忽雨，頭三場先�a個熱葷畀你嘆�校�跟住就輪到冷盤紛紛出籠，更厲害是一天內跑四場逾千元大冷Q，如果計埋第四場「大王者」搭「長勝」這條逾700蚊Q，數據更加唔健康，間接反映季尾階段馬匹水準越來越不穩定，尤其是熱門?。「大王者」因流鼻血移幟胡森馬房，可以跑過一仗後便成功變身，馬房今季表現真係唔到你唔服，前次跑泥地前試兩課大閘已經有唔錯走勢，無疑今次普遍對手未有跑出最佳水準，但4歲馬只要健康完全復原，按同系馬如「驍將王」、「揀得正」等成就，下季可望晉身三班，先決條件還是要馬房繼續保持今季一貫高水準表現。
「好耐力」（右圖）一落四班便壓力全消，14檔起步亦是嚇怕人的主因，你我都被近績矇住了雙眼，如果一直有跟進此駒的話，唔難發現近三季都係?季尾��到1W，證明馬房根本長期有一套出擊模式，9歲馬餘下日子已無多，會唔會趁有勢頭再搏多鋪，我想機會甚大；「時尚風采」在都爾胯下捧走精英盃，若在捉路埋手，加埋陰謀論想法，臨場竟會是「夢幻組合」捧成大熱門，結果不用多言，但事實是否如此巧合，天曉得！
但肯定一點是：季尾唔少馬匹搏得七七八八，相反一直邊減分邊等機會的舊馬，在形勢稍稍有利下（例如降班），已有權伺機出冷。