心路可出人頭地

不死鸟

大家如果有留意馬圈新聞，一定知道希斯近日來港探班，上周末亦有入場觀戰，心水清的話，每逢希斯來港，李易達總會在恩師面前大搏殺，君不見剛��?「酒勝」與「大有運」平分春色再下一城嗎？此外，新馬「傾力之城」及馬房團體馬「大關刀」重飛下跑第二；「衝勁寶」以後備補上身份，也搏晒老命剷入Q位。雖然唔知希斯逗留多久，亦有可能已飛走，但綜觀本周日李?的大軍陣容，一樣暗藏殺機。
都說過「卡加大師」乃由馬主之一曾志偉親自培育，兩線血統充滿美洲色彩，上場泥地一箸夾中絕不意外，這匹逾千三磅之龐然大物，件頭拍得住同馬房「家家寶」，相信也會越跑越實淨，季尾條泥地跑道一放難追，放順的話上番三班仍可逞強。最有興趣「心路」（上圖）可否把握機會贏番場，近三仗1400米用不同騎師，看得出有心教馬留力跑，前次在女皇盃賽日落到韋紀力手上，拉士於「錢會來」與「愛拚者勝」中間穿上不過輸少許，計番前駒再出跑三班得1勝1位，仍居四班的「心路」距出頭之日應不遠矣！