蘇斯達卡斯洛達大手交易

猪拉多纳

至於今季被寄予厚望嘅俄超球隊卡斯洛達，今晚作客西班牙遇上皇家蘇斯達，主場嘅蘇斯達當然係熱門，不過Anton認為卡斯洛達實力不容低估，兩隊出線機會只係五五波，尤其卡斯洛達近期愈戰愈勇，狀態甚至在蘇斯達之上，今晚有信心同主隊對攻，入球大有1.95倍值得一博。

（周五凌晨2時30分開賽）

皇家蘇斯達上季西甲聯賽排第七，不過今季成績預期好難保持，皆因主力射手基沙文去咗馬體會，門神哥迪奧巴禾又去咗巴塞，球隊季前表現亦麻麻，上圈歐霸盃次回合作客鴨巴甸只能險勝3比2，防線表現認真麻麻。西甲未開咧計狀態始終蝕底，不過今晚主場出擊會主攻，球隊仲有卡路士韋拿同阿基列斯呢啲具卡士攻擊手，當然有信心入波。
卡軍歐戰全勝鬥攻

Anton季初已經講過，今晚作客嘅俄超新貴卡斯洛達好有野心，佢哋表現亦愈來愈對辦，近期兩連勝共轟入六球，巴西攻擊手祖奧仙奴更連場有波入弗到爆，球隊今屆初次參加歐戰，經過四場淘汰賽後全數大勝，狀態同信心都極強，而且教頭高拉羅踢法主攻，今場作客都唔會龜縮，Anton相信佢哋同樣有力攻破蘇斯達防線，今場入波唔會少。