高士路贏開有條路再追

猪拉多纳

高士路聽朝喺巴甲主場對甘美奧，一於捧主勝。因為巴西國家隊公布嘅最新大軍名單，佢哋得兩個球員入選，呢場肯定會喺主場博添食證明實力，而對家甘美奧喺教頭史高拉利回歸後，球隊表現普通，熱捧1.45倍主W！

（開賽時間：周五早上7:30）
爭標不容有失

形勢上，榜首高士路喺聯賽只有2分優勢，為爭標要繼續搶分，而佢哋今季喺聯賽主場6勝1和未輸過，當中對上5場更至少淨勝對手2球。由於重掌巴西國家隊嘅鄧加，公布嘅最新大軍名單得兩個高士路球員入選，當中有今季攻入10個聯賽入球嘅中場列卡度高拉特，同埋中場拍檔艾華度列比路，力求表現今場一定搏到盡啦！
甘美奧作客走勢一般

甘美奧喺史高拉利回歸後，日前喺主場以2:0擊敗基斯奧馬，總算重響勝鼓，但整體表現唔算特別好，而且甘美奧今季喺聯賽作客，好多時都冇波入，之前史高拉利領軍，都試過作客淨吞國際體育會兩蛋，相信「大菲」好難可以係短時間內解決晒啲問題，熱捧高士路1.45倍主勝好過。