伊奧維反彈不妨再追

猪拉多纳

英甲球隊伊奧維今晚主場恭候斯肯索普，前者開季成績麻麻，聯賽連同英聯盃在內3連敗，但上輪聯賽作客華素爾終於止住頹勢，憑住占士希達同奇雲戴臣兩名核心各建一功，成功打開今季勝利之門，今晚主場出戰，當然想乘勢再下一城，1.98倍主勝捧得過。

另邊廂嘅斯肯索普亦唔好得好多，出閘脫腳3戰全敗，暫時喺聯賽榜坐艇，夾埋勁失9球不特止，最近兩次主場出戰更加吞蛋輸波，完全冇還擊之力。最攞命係幾日後仲要分心英聯盃，隨時搞到兩頭唔到岸，今場作客想搶分睇怕有一定難度。