尹佩斯回歸救恩師 紅魔3叉戟捉黑貓

猪拉多纳

作為一位忠實球迷，Yennie一直好想親身入場睇英超，估唔到小妹終於夢想成真，上星期千里迢迢飛到去英國，仲要踩入愛隊曼聯嘅奧脫福地頭欣賞英超揭幕戰，真係有今生冇來世呀！雖然「紅魔」上輪主場輸畀史雲斯，但相信領隊尹戈爾實會諗到計救亡，加埋射手尹佩斯終於復出重組紅魔3叉戟，今晚造訪新特蘭實幫到恩師尹帥開齋，曼聯讓半一Yennie撐1.92倍上盤。

講起奧脫福，小妹一入場真係忍唔住「嘩」咗一聲，塊草地靚、球場又大、比賽時場內一片紅海，氣氛一流，「夢劇院」果然係有佢獨有嘅魅力！
華倫西亞復出 盧祖未搞掂

係，新帥尹戈爾首場英超領軍令唔少球迷失望，但佢上任冇耐，摸熟隊波都要時間啦，況且首戰唔少「紅魔」戰將都唔出得，值得畀多次機會佢嘅！Yennie知道路爾斯華倫西亞已經復操，尹佩斯亦已經歸隊，就算新加盟嘅左閘馬高斯盧祖因工作證問題仲未出得，「紅魔」中前場都夠殺新特蘭。
新特蘭基亞卓尼利打柴

「黑貓」上場出盡九牛二虎之力先逼和西布朗2:2，有幾多料大家心中有數。事實上佢哋斟利物浦前鋒波連尼單嘢拖咗勁耐，領隊普耶都躁躁哋，尋日叫佢拿拿聲決定，無他嘅，畢竟新特蘭鋒力真係曳嘛！何況成隊波最有料嗰件鋒將基亞卓尼利仲養緊傷，點頂得住尹佩斯、朗尼同桑馬達呢個3叉戟呀！
紅魔訪光明例入波

兩軍近8次交手，曼聯取得6勝2負成績。

計埋熱身賽，曼聯近7場開出6口入球大。

紅魔連續4次作客光明球場都有波入。
曼聯後防未齊章玩「大」佢

曼聯上場出師不利主場輸畀史雲斯，為咗攞番「飛士」尹帥今場唔攻唔得。射手尹佩斯復出令紅魔如虎添翼，使驚佢哋冇士哥？不過曼聯後防未齊章，艾舒利楊格同路爾斯華倫西亞攻強於守，新仔泰萊布力基經驗不足，連主場出戰都可以失2粒，今晚作客相信都幾難保住清白身，1.78倍入球大抵玩。
盤路解碼

曼聯上季12次讓半一一共8次贏盤