艾阿恩靠基恩都大德

猪拉多纳

今晚有兩場亞冠盃8強次回合賽事，其中首回合領先2比0嘅阿聯酋球隊艾阿恩將會作客沙特阿拉伯球隊伊蒂哈德。艾阿恩有加納世盃國腳基恩在陣，強橫嘅攻力上仗已表露無遺，但伊蒂哈德力求取得出線機會，相信亦會主動搶攻，兩隊交手隨時上演入球騷，捧入球大。

（now 671周三凌晨1時50分直播）

艾阿恩首回合主場憑伊斯美爾阿密特及基恩各建一功，以2比0擊敗伊蒂哈德，球隊前線攻擊球員如基恩、伊高高及史度治表現理想，多次成功製造具威脅嘅埋門，質素明顯高過對手伊蒂哈德，今仗就算作客亦大有機會取得入球。艾阿恩作客其實已經連贏5場，可見呢班波客場出戰唔會有太多心理包袱，今仗隨時贏埋都唔出奇。
伊蒂哈德落後兩粒必搶攻

伊蒂哈德早前進行外援大換血，當中兩位新援馬昆奴及森巴迪亞基迪首回合亦有上陣，但整體表現唔算太理想。不過，伊蒂哈德落後2球下今仗無可避免要踢得更進取才有機會晉級，球隊空群而出下隨時造成後防空虛，令艾阿恩有機可乘，今仗入波應該唔會少，入球大值得支持。