朗斯 蘭斯和味濃

猪拉多纳

法甲球隊蘭斯喺聯賽首戰主場意外逼和巴黎聖日耳門，但原來係一場虛火，之後連輸兩場。今晚佢哋作客火力麻麻嘅朗斯難言穩勝，不妨博和仲好。

蘭斯上輪主場鬥卡昂入肉埋門欠奉，教練華斯沙亞賽後都話班波進攻唔多掂，令人憂心。今晚仲要冇埋前鋒科迪斯同守將安東尼韋伯，相信佢都係唔想再失分，穩穩陣陣拎番1分止血先。
兩隊前線齊死火

反觀朗斯上仗雖然作客贏咗里昂，但對手傷兵滿營兼要分心歐霸盃，戰果始終未能作準。睇番佢哋近3場聯賽只得守將洛文查拿哈利1個入到波，就知鋒力有幾唔掂，話唔埋今晚隨時互無紀錄悶波一場，2.9倍和波絕對有得諗。