伊基克取聯賽首「捷」良機

猪拉多纳

周一凌晨智甲榜尾對決，睇好伊基克可以喺主場擊敗巴尼捷亞，敲響今季聯賽勝鼓，揀1.65倍「主勝」。智甲踢咗6輪比賽，伊基克雖然僅得3和3負，但主場3戰全部和波有分落袋，當中包括鬥「一哥」智利大學，演出其實唔失禮。
巴尼捷亞作客例失3球

再者，伊基克日前喺南球盃鬥蘇克雷大學，首席門將洛迪高拿蘭祖傷愈復出，馬索拿迪仲回勇入波奠勝，取得季內首場勝仗添，雖然最後都係出局收場，但對提升士氣同信心，點都有啲幫助。今場箭頭韋拿盧保斯同馬田高美斯夥拍攻堅，對住聯賽作客全輸，每場都失3球嘅巴尼捷亞，絕對係聯賽開齋嘅最佳時機。
（日）71 伊基克 Vs 巴尼捷亞