AC唔識守憑咩追「素」？

猪拉多纳

AC米蘭今晚喺意甲開鑼戰主場鬥拉素，睇番兩軍過去10次對賽，可謂不相伯仲，不過AC自從由新帥恩沙基領軍後，防守力差咗好多，前邊入幾多後面都可以輸番轉頭！AC靠條咁嘅防線仲要讓拉素？梗係撐1.8倍「讓客」啦！

（TVB301周一凌晨0:00直播）
拉素有高路斯壓陣

AC今季陣容變動唔算太大，最主要係前鋒巴洛迪利轉投利物浦，同借用車路士嘅費蘭度托利斯兩季。費托啱啱先到，今晚應該唔會落場喇，即係話，AC仍然係要靠艾沙拉維同日本國腳本田圭佑攻堅。不過，就算前面攻得點勁都好，防線始終係「紅黑軍」最大嘅死穴！事關呢班波喺7場熱身賽失咗12球，前鋒出身嘅恩沙基，好明顯唔識教班人做防守。AC後防漏洞咁多，以世盃入球王高路斯為首嘅拉素鋒線，入到兩、3球有咩出奇？
（日）38 AC米蘭 Vs 拉素