維拉冇火唔慌多入波

猪拉多纳

阿士東維拉同侯城今晚喺英超早場正面交鋒，維拉周中喺聯賽盃次圈畀奧連特踢出局，侯城就喺歐霸盃附加賽止步，雙方當然想重整旗鼓，踢番場好波啦！奈何兩軍真係冇乜高低，維拉頭兩輪英超錄得1勝1和，係就係攞到4分，但兩戰加埋只係得1腳射門中框，證明賓迪基同高薩克兩位射手倦勤，對火力真係有好大影響。

（now622台周日晚8:30直播）

侯城近10次對住維拉都未贏過，今鋪造訪維拉公園相信都係求1分落袋，雖然中堅占士謝斯達要坐波監，不過新加盟嘅前熱刺隊長戴臣可以頂佢個位，防線實力反而提升咗唔小，對住鋒力勁曳嘅維拉，1.48倍入球細熱一熱都要捧。
（日）20 阿士東維拉 Vs 侯城