阿根廷內訌河床客勝冇難度

猪拉多纳

南美球會盃第2圈首回合上演「阿根廷內訌」，由葛度爾古斯主場迎戰河床，兩軍上月尾曾於同地交手，當時河床以4比0大勝對手。河床近況甚弗，加上球隊可夫添出戰，有望再一次擊敗葛度爾古斯，阿謙捧客W！

（周四早上8時15分開賽、馬會網上文字直播）

河床開季表現非常對辦，聯賽5戰4勝1和排於榜首，球隊今季喺新帥加拿度嘅執教下，連以往唔擅長嘅作客賽事都踢得頭頭是道，近2仗客場贏波之餘合轟入對手7球，當中包括上月作客大勝今仗對手葛度爾古斯4比0，可見球隊現時狀態有幾弗。
葛度爾古斯聯賽吞4蛋

河床除前鋒卡雲拿基需長期養傷外，未有增加任何傷兵，今仗可夫添出戰，一眾中前場主力如杜費路古迪利斯、比斯古尼治及卡路士辛捷士近期頻頻有波入狀態甚弗，有望先拔頭籌。

相比河床火熱嘅狀態，葛度爾古斯近況就有啲反覆，球隊近4仗錄得1勝1和2負，當中落敗一仗正是主場面對今仗對手河床，可見球隊實力明顯與對手有距離。葛度爾古斯今仗遇上3連勝嘅河床，縱有中場路爾斯謝利斯復出，相信亦難有作為，阿謙睇好作客嘅河床可先下一城。