河床托弗主場派W

猪拉多纳

阿甲今日續有多場賽事上演，其中上季冠軍河床會喺主場迎戰堤格雷。河床近期戰績強勁，球隊四連勝狀態甚弗；對手堤格雷近況平平，加上作客戰績甚曳，今仗相信都係凶多吉少，捧河床主W。

（周一早上6時15分開賽）
堤格雷作客變炮灰

河床今季喺新帥加拿度帶領下表現更好，聯賽五戰四勝一和，上周中南球盃次圈首回合更作客擊敗葛度爾古斯，成班波依家士氣如虹，就算有主將杜費路古迪利斯同艾華利斯巴蘭達要為哥倫比亞踢國際賽未能上陣，仍有近期頻頻入波嘅比斯古尼治同卡路士辛捷士在陣，今仗喺戰績彪炳嘅主場出擊有力再下一城。

堤格雷近期表現反覆，更大問題係近五作客僅得兩和三負劣績，今仗等做炮灰，主W係穩膽，進取嘅可以要埋讓球主勝。