利華留力歐聯敲「讓和」

猪拉多纳

今晚德甲會上演獨腳戲，由利華古遜主場恭候雲達不來梅。主隊開季連贏5場勁Fit，不過始終有歐聯後顧之憂，今晚未必大勝，博3.85倍「讓和」好過。

（有線61及201周六凌晨2:30直播）
不來梅開季兩戰不勝

利華古遜開季取得5連勝，仲試過作客砌低多蒙特，表現令人信服。而且佢哋攻擊點夠多，計埋主力射手傑斯寧已經有5位球員喺聯賽開咗齋，全方位發炮試問不來梅點頂？可惜佢哋隨時要留力下周歐聯作客摩納哥場波，今場煲魚生粥唔奇。

客隊不來梅開季兩戰全和，而且都係先失守後追和，班球員明顯慣性夢遊，唔落後都唔識醒。對住賀芬咸、哈化柏林就話追得和啫，今次作客實力分子利華古遜唔似有運行囉！