國足雙飛 頭關難過

猪拉多纳

女亞足遇日本凶多吉少

亞運女足B組今日上演一場矚目大戰，由日本女足惡鬥中國女足。日本女足近年表現出色，無論女子世界盃、倫敦奧運或東亞盃都取得好成績，已成為亞洲甚至世界足壇女霸主。相反中國女足近年風光不再，實力已被日本和北韓超越，分組賽首仗硬撼衞冕嘅日本相信難有作為，阿謙睇好「大和撫子」可以先拔頭籌，撐主W。

（有線64及203台周一晚7時直播）
大和撫子添生力軍

日本女足係上屆亞運金牌得主，今屆陣容雖缺少前世界足球小姐澤穗希、前鋒大野忍、大儀見優季及中場餃島彩，但仍有主力包括中場宮間綾、川澄奈穗美及後衞岩清水梓在陣。此外，日本女足今次徵召了24歲嘅快翼臼井理惠，以及剛喺今年U17女足世盃助國家隊奪冠嘅兩名新星羽座妃粋及増矢理花，實力可以話係有增無減，今仗面對中國女足有望旗開得勝。

中國女足過去曾3奪亞運冠軍，但近年風光不再，上屆只獲殿軍。中國女足今次名單以5月時嘅亞洲盃為藍本，而錯過亞洲盃嘅前鋒馬君、中場王麗思及門將王飛則重新入選，配合主力前鋒古雅沙及楊麗，分組出線相信不成問題，但面對實力甚強嘅日本女足相信難以招架，今仗都係凶多吉少，阿謙捧日本女足可輕鬆獲勝。

賽制：分組賽——11隊分3組，A、B組每組4隊，C組每組3隊，採單循環制，每組頭2隊及2支最佳第3名進身8強。分組賽同分將順序以下列方法定排名：1.分組賽中得失球差　2.分組賽中得球數　3.分組賽中有關隊伍對賽成績　4.分組賽中有關隊伍對賽球差　5.分組賽中有關隊伍對賽入球數　6.抽籤

小組最佳第3名將以下列方法定排名：1.分組賽中總得分　2.分組賽中得失球差　3.分組賽中得球數　4.抽籤。淘汰賽——法定時間內打和將加時30分鐘，再和則以互射12碼決勝。