史浩克回勇係時候「法」威

猪拉多纳

相信近期大家都好忙吓，除咗要顧住德甲、日職、歐聯、歐霸……仲要加多條亞運足球戰線！各位參與還參與，香港隊就梗係要支持啦！「港女」今日下晝會首次登場對北韓；「港男」後日就踢最後一場分組賽對孟加拉，家陣佢哋兩場分組賽1勝1和，氣勢如虹，大家記住睇我哋有線直播，為香港打氣呀！
法蘭克福一味靠湧

至於今晚德甲，開季成績勁曳嘅史浩克04，就會喺主場迎戰法蘭克福，呢個應該係佢哋打開今季勝利之門嘅好時機。史浩克04開咧3場聯賽1和2負，又有賀維迪斯、菲臘比辛坦拿同祖爾麥迪比等傷兵，個勢都幾弱吓，好彩，經過周中歐聯作客逼和英超勁旅車路士後，史浩克嘅士氣同信心應該回復番唔少，正所謂「爛船都有三斤釘」，「礦工」慢慢適應傷兵潮帶嚟嘅打擊後，應該可以重新振作！

最重要係對家法蘭克福自開鑼戰贏波後，近2戰只得1和1負，表現唔見得有幾突出，而且佢哋獨沽一味嘅長傳急攻戰術，對住實力較弱嘅對手都可以湧下，但對住見慣大場面嘅史浩克04？睇怕冇乜機會囉！一於撐史浩克1.64倍W啦！

（有線64及203周六晚9:30直播）

頂占筍盤：史浩克04（勝）

生好

(⊙o⊙)哦