巴塞質高「-2」冇甩拖

猪拉多纳

利雲特今晚會喺主場迎戰巴塞隆拿，仲會「帶埋」象徵幸運嘅青蛙落場，不過佢哋踢咗3輪聯賽都仲未開齋，仲衰到1球都未入過，青蛙都保你哋唔住啦！反觀巴塞計埋上周中歐聯在內，開季已經連贏4場，無論實力、級數、狀態同士氣都贏利雲特一大截，讓到「-2」都要照捧2.12倍「讓客」。

（now632台周一凌晨3:00直播）
未開齋兼一球不入

為咗開拓日本市場，成立國際性青訓學校，利雲特決定「入鄉隨俗」，將喺日本風水象徵幸運嘅青蛙印上波衫，迎戰今晚鬥巴塞場硬仗。之不過咁，踢波最緊要講實力，利雲特開季至今仲未開齋並失咗5球，證明上季西甲撲救成功率最高嘅門將基羅拿華斯離隊之後，對球隊防守力係有頗大影響。加上利雲特頭3輪聯賽連波都入唔到，睇怕今晚想破蛋都難！
防守掂新星爭上位

隨住今季簽入馬菲奧同華美倫兩名正宗中堅，上季「替工」馬斯真蘭奴終於可以踢番防中，球隊架構即刻唔同晒，開季4連勝仲要不失一球，中後場應記一功。前線方面，美斯今季除咗自己「士哥」，助攻層面亦見進步。更何況兩名新星辛度拉美利斯同蒙尼亞艾哈達迪季初爭取到上陣機會，同時亦交到功課，用入球證明自己。今晚對住守不穩嘅利雲特防線，點會入1、2球就收手呢？
盤路解碼

巴塞上季「-2」盤路，錄得16勝3和8負。