多蒙特喪炒史特加出氣

猪拉多纳

今晚續有多場德甲賽事上演，其中鬼Sir睇中咗多蒙特主場對史特加。「蜜蜂兵團」多蒙特啱啱作客輸畀緬恩斯，今仗回師主場自然希望贏波一洗頹風，面對三連敗嘅史特加相信係時候一吐烏氣，鬼Sir睇好多蒙特今仗可以大炒對手，讓球主勝及入球大都值得支持。

（有線61及201台周四凌晨2時直播）
輸畀緬恩斯好冇面

「蜜蜂兵團」上周中歐聯主場輕取英超球隊阿仙奴，表現令人讚不絕口，點知返到聯賽作客竟然輸畀下游球隊緬恩斯，真係令人摸不着頭腦，只能講球隊患咗「歐聯後遺症」。經過輸畀緬恩斯後，相信多蒙特今仗回師主場將會踢得小心翼翼，盡快取得入球及早鎖定勝局，鬼Sir相信今仗入波唔會少。

史特加今季雖由艾明費回巢執教，但球隊表現非常之差，開季四場聯賽只得1和3負，而且近3場波仲要輸晒，表現實在令人難以接受。史特加今仗作客遇上力圖一吐烏氣嘅「蜜蜂兵團」，相信凶多吉少，鬼Sir睇好多蒙特今仗有力大炒對手，捧讓球主勝及大盤有望「雙贏」！