香港筍工馬會提供

不死鸟

無論係發牌的練馬師、騎師、見習騎師，還是僱傭合約的馬會員工，包括獸醫、馬伕、策騎員。另外馬會各大行政部門，計埋投注事務部，馬會正職兼職員工部隊龐大，數以萬計，絕大部份福利優厚，衣食豐足，有些職系甚至係一條龍，尤其係見習騎師，份屬馬會重點栽培，只要踏實做事，規行步矩，就肯定大有前途，不止不愁無得撈，隨時青雲平步，現役練馬師中，不少都是見習騎師出身，包括告東尼、姚本輝、文家良、徐雨石、呂健威……非現役的亦大有其人。
即使表現未如理想，見習出身的騎師亦獲得馬會提供多重保障，既可以過檔其他職系，譬如余詠詩退下騎師行列後，轉職幕後，經過多年努力下，新一季出任苗?副練；當然努力還需要際遇配合，只要盡努力，成績未如理想的見習騎師，就算熬不出頭來，一樣得到基本的收入保障，譬如余詠詩的丈夫薛順強，與及現時騎緊的眾華籍騎師，每個月假如贏馬獎金加策騎費不足40,000元，但馬會亦包底補貼到40,000元，如此「筍工」，唯有馬會提供！