博史浩克多蒙特開入球騷

猪拉多纳

唔知係唔係受要踢歐聯影響，德甲勁旅史浩克04同多蒙特開季成績都係麻麻哋，今晚兩隊喺聯賽交鋒後，下周中又要分頭去踢歐聯分組賽。雖然兩隊都有後顧之憂，但進攻火力都Keep住無走樣，近期有回勇迹象嘅史浩克04主場有能力同多蒙特鬥攻，一於捧1.53倍入球大玩「大」佢！

（有線61及201周六晚9:30直播）

史浩克04開季受傷兵問題困擾，好在最近3場攞到1勝2和不敗，當中包括喺歐聯作客逼和車路士，證明班波已經上緊力。無疑達斯拿同奇雲保定兩大主力繼續停賽，不過佢兩個上場坐波監，史浩克04都可以照炒雲達不來梅3球，亨特拉爾、麥斯美亞等攻擊球員狀態都唔錯，主場有一定戰力。
香川 內田日本內訌

多蒙特近兩場聯賽失咗5分，好在恩莫比尼同奧巴美揚呢對箭頭腳風唔錯，最重要係回歸嘅香川真司愈踢愈好，配合埋米希達利恩同馬高列奧斯等頂級攻擊手，火力絕對係歐洲頂尖！今場仲有個賣點，就係香川真司大戰內田篤人嘅「日本內訌」，呢啲入球騷咪錯過呀！
頂占筍盤：史浩克04（入球大）