海鮮味濃今晚做觀眾

猪拉多纳

今晚歐聯賽事，兩支英超球隊阿仙奴及利物浦日前均在聯賽嘅同市打吡中和波失分，究竟佢哋能否於歐聯出戰加拉塔沙雷及巴素利及時反彈呢？不過Peter覺得呢兩場投X價值麻麻，既然今晚仲有其餘6場玩，不如睇吓佢哋係咪咁「海鮮」，鍾意梅花間竹仲好。
8場歐聯辛尼特最穩

若果講心水，Peter就睇好俄超班霸辛尼特，佢哋由前熱刺主帥保亞斯執教下愈戰愈勇，首輪亦順利擊敗賓菲加，今返主場迎戰態沉嘅摩納哥，相信可全取三分。

另外，近況大勇嘅祖雲達斯及奧林比亞高斯，將作客馬體會及馬模，Peter認為前兩者可坐和望贏。至於「銀河艦隊」皇馬對住弱旅盧多格德斯，最怕讓得多嘅皇馬煲魚生粥僅熟，都係不賭也罷。仲有安德列治主場對多蒙特，「蜜蜂兵團」雖然於日前聯賽打吡戰不敵史浩克04，但佢哋實力明顯勝一籌，要擊敗安德列治完成歐聯兩連勝，應該冇難度。最後利華古遜主場火併賓菲加，後者首輪已輸波，若今仗再輸會令出線機會渺茫，但綜觀今晚8場歐聯，Peter對辛尼特贏波最有信心。
金句：紅軍兵工廠海鮮波，唔賭睇波冇壞喎！