馬模砌奧林比玩大佢

猪拉多纳

今日多場歐聯賽事，阿King都湊吓熱鬧同大家講吓歐聯。搵場冇直播，大家唔會咁留意嘅馬模主場對奧林比亞高斯同大家研究吓，馬模一直當奧林比亞高斯係佢哋今次歐聯嘅假想敵，呢場一定趁主場出擊搏命攞三分，鬥志唔使懷疑，但奧林比亞高斯分組賽首戰擊敗馬德里體育會亦心雄，一於同你對攻，呢場揀大最啱。

（周四凌晨2時45分開賽）

馬模同祖記、馬體會及奧林比亞高斯一組，教練夏雷迪一早話唔夠前兩者踢，只希望最終排名可以壓過奧林比亞高斯攞過小組第三，喺歐聯掘完金後，再落番歐霸繼續搵錢之旅，所以呢場正面交鋒，馬模當正係今季最重要一戰。

馬模喺瑞典超帶開咗9分，嚟緊可以專心喺歐聯搶分，球隊冇主要傷停，今場可以「夫添」上陣，中場科斯貝治腳風非常順，上仗聯賽入三球，可以同奧林比亞高斯死過。當然，奧林比亞高斯亦唔坐以待斃，佢哋首戰爆冷3比2擊敗上季亞軍馬體會，球員都心雄，而且球隊上仗聯賽專登收起主力應付今仗，結果付出輸波代價，呢場一定想贏，兩隊鬥攻會多波入。
串埋利華狼隊Ｗ

另一場歐聯利華古遜主場對賓菲加，賓菲加門將阿度亞停賽，利華古遜主場表現有保證，今仗夠贏有正選門將停賽的賓菲加。最後揀場英冠狼隊對哈特斯菲爾德，狼隊喺聯賽主場四連勝，只係失咗一球咁大把，主勝值追。