鳥棲跌水有買趁「手」

猪拉多纳

鳥棲跌水值得追！今日場日職鳥棲砂岩主場對橫濱水手，主隊1.83倍平手盤追得過，事關個主W尋日晏晝已經由2.45倍下調到2.4倍，似乎預示傷兵滿營嘅水手唔輸都偷笑。

（開賽時間：周日下午2:00）
水手主將排住隊受傷

其實由往績去睇，鳥棲係處於劣勢嘅一方，佢哋8戰水手只得2勝6負，主場3次迎敵都係得1勝2負，勝率好低，而且近期佢哋表現唔算好，聯賽兩連敗，射手豐田陽平狀態唔及季初嗰段，後衞坂井達彌又坐波監，但點解鳥棲個W可以由2.45倍跌落2.4倍，平手盤鳥棲勝由1.88倍升溫到1.83倍呢？

呢樣嘢就真係要多謝水手班人排住隊受傷喇，今日肯定唔踢得嘅主將，包括鋒將齋藤學（右大腿傷）、守衞栗原勇藏（右大腿傷）、中場小椋祥平（右膝靭帶傷）同天野純（右腳腳趾骨折），連埋中町公祐亦唔多掂，成條攻守骨幹都要執過。最慘係「大佬」中村俊輔呢輪身體唔多妥，上場對甲府風林都踢唔到，要留响屋企休養，今日就算落得場恐怕未必有料到。

由於前中後都唔齊人，水手今日作客鳥棲肯定會好頭痛，後面頂得住豐田陽平嘅高空攻擊，就只得老鬼中澤佑二嘞，中場仲要搵日本U21亞運代表喜田拓也戥腳，遇着鳥棲嗰Pair經驗、速度瓣瓣有嘅中場孖寶水沼宏太同金民友，相信都幾難Hold得住個波，平手盤博鳥棲合理。