「聖人」態勇作客照食「刺」

猪拉多纳

修咸頓雖然喺夏天轉會市場畀其他球會拆骨，好在表現冇受影響，反而仲愈踢愈好！今晚「聖人」作客熱刺，後者雖然喺上周中歐霸盃收起部分主力留力今戰，可惜佢哋今季表現始終飄忽不定，未必頂得住連盃賽近6仗全勝嘅修咸頓，3.35倍客W值得冷敲！

（now622台周日晚9:05直播）

熱刺近期戰績插水

「聖人」上季一班主力拉爾拉拿、列基林拔同勞基梳爾等先後被搶走，以為呢班波今季會走晒樣？除咗開鑼首仗不敵利物浦之外，修咸頓踢到家陣就1場都未輸過，連盃賽近6戰全勝，氣勢真係一時無兩！

主隊熱刺近期戰績大插水，最近7戰只得英聯盃贏到森林。今仗佢哋雖然有艾迪巴約等主力擔正，但對住士氣如虹嘅「聖人」未必頂得住。