火燄主勝圖「利」

猪拉多纳

聽朝美職賽事，芝加哥火燄主場迎戰蒙特利爾衝擊，1.77倍主勝值得捧場。火燄雖然連續5場聯賽未贏過，今季踢30場和咗17場，主W似乎唔太靠得住，但其實佢哋主場戰鬥力唔錯，今季15戰主場只得1場冇波入，今場仲有教練奇連馬菲斯停完賽復出領軍，仲唔贏波等幾時？

（開賽時間：周一清晨5:00）

相反蒙特利爾衝擊主帥法蘭克高柏斯上輪聯賽被逐，搞到今場停賽無緣臨場督師，難免對班波造成影響。更何況佢哋主強客弱特性相當明顯，喺最近8場聯賽當中，蒙特利爾衝擊4次主場出擊非贏即和，4次作客就全部輸波，聽朝造訪火燄想唔輸都難。