海灣者白帽大廝殺

猪拉多纳

聽朝美職有西雅圖海灣者主場鬥溫哥華白帽嘅賽事。西雅圖海灣者現時正跟洛杉磯銀河爭逐常規賽一哥，客軍亦要為季後賽資格而戰，今場雙方同樣要博拳，入球大可作過關重心。

（TVB 301周六早上10時直播）
白帽爭玩季後賽

兩軍近年對賽溫哥華白帽佔上風，過去四次碰頭從未輸過畀對手，溫哥華白帽現時排西岸第六名，落後第五位嘅波特蘭伐木者兩分但少踢一場，如果想打入前五取得季後賽資格，餘下三輪比賽要全力求勝。

西雅圖海灣者現時與洛杉磯銀河同得六十分，以得勝場數較多排西岸榜首，為保一哥地位亦唔可以放軟手腳，擁有美國球星丹普西及尼日利亞射手馬田斯嘅西雅圖海灣者已經連續六場聯賽開大盤，值得再追。
非國盃G組撐埃及

另外非洲國家盃外圍賽有兩場G組賽事，較早時間開波有博茲瓦納主場鬥埃及，兩軍同樣兩戰全敗，如果想保住出線希望，今場一定要求三分，埃及平均個人質素較好，客W可捧。

（TVB 301周六凌晨零時30分直播）

另一場塞內加爾主場鬥突尼西亞，雙方兩戰全勝得六分，塞內加爾主力丹巴巴亞、中場迪亞美及伊祖沙古爾全部可以候命，主場出擊值得睇高一線，捧主W。

（TVB 301周六凌晨4時直播）