飛腳+1 頂到前鋒

猪拉多纳

4強次回合和波都晉級

日本聯賽盃今午上演兩場4強次回合，大阪飛腳作客鬥川崎前鋒。飛腳近期持續強勢，連盃賽在內已豪取8連勝，相反川崎前鋒近期啞火，對上五次主場只係贏過弱旅德島漩渦，要收復首回合落後1比3失地唔容易，波童撐飛腳可保不敗強勢打入決賽，捧讓球客勝。

（周日下午3時開賽）

大阪飛腳連盃賽在內已連贏8場，包括首回合主場3比1擊敗川崎前鋒，上仗均有進帳嘅兩大射手安達臣柏德列及宇佐美貴史今仗可候命，攻力有保證，而且佢哋上周末於聯賽作客力挫勁敵鹿島鹿角，成功反壓後者升上聯賽榜第2位，士氣旺盛，作客出戰一樣信心十足。
前鋒得大久保攻堅

川崎前鋒接連不敵新潟天鵝及大阪飛腳，兩仗合共失6球，防線表現鬆懈。單計主場賽事，佢哋對上5場只係贏過聯賽降班膽德島漩渦，可見今仗佢哋有地利都唔幫得幾多。況且次席射手小林悠因入選日本國家隊今仗未能上陣，前線單靠大久保嘉人衝鋒陷陣容易被釘死。飛腳有兩球領先優勢大可睇定嚟食，讓球主客和飛腳仲有得受讓，「+1」有買趁早。
柏雷素爾死火三箭好「細」界

另一場同時間開波嘅四強次回合，柏雷素爾主場鬥廣島三箭，廣島三箭首回合憑王牌射手佐藤壽人梅開二度勝2比0，今仗只要唔輸便可進身決賽，料會大打穩陣波。柏雷素爾3場不勝兼冇入波，要咬入對手亦唔易，今仗捧細盤。