英格蘭搶攻「客客」愛得過

猪拉多纳

生牯仔信心爆燈 唔識勒住踢

英格蘭喺世盃慘烈出局後致力重建，暫時條路都走得幾順，近2個月連贏挪威、瑞士同聖馬力諾3場波，雖然對手實力有限，但對於十分年輕嘅「幼獅」嚟講絕對係一支強心針！今晚英格蘭歐國盃外圍賽E組作客實力一般嘅愛沙尼亞，一班生牯仔肯定一開波就衝，有望快刀斬亂麻輕鬆執3分，開半全場「客客」冇難度！

（有線61、64、201及203周一凌晨0:00直播）

望落依家嘅「三獅軍團」名單真係唔多慣，林柏特、謝拉特、里奧費迪南、泰利同艾殊利高爾等踢咗咁多年嘅主力唔見晒，領隊鶴臣焗住重用一大批生力軍，再畀稍有資歷嘅朗尼頂上做「大佬」，呢一步的確係無辦法之中嘅辦法。雖然話英格蘭目前仲未有咩世界級新星，但畀一班當打有活力兼有潛質嘅新人上陣，絕對係英格蘭嚟緊要走嘅路，而且成果可能會係意想不到。
近2次對賽 愛沙尼亞吞3蛋

19歲嘅史達寧同22歲嘅韋舒亞今季喺英超表現相當搶鏡，已經逐步接班成為英格蘭嘅核心人物，隊長朗尼未夠30歲就成為「老大哥」，佢喺球場上嘅感染力相信會帶動一班年輕隊友。英格蘭依家由年輕人做主，個個都想盡快爭取表現，一開波就肯定同你死過，以「三獅軍團」嘅速度同活力，愛沙尼亞睇怕唔頂得幾耐。

再者，愛沙尼亞喺國際球壇根本唔入流，班波最大牌嘅就係効力奧格斯堡嘅隊長卡拉雲，而且佢哋過去兩次對住英格蘭都係慘吞3蛋，就連兩次青年軍交鋒都係慘敗收場，證明愛沙尼亞同英格蘭嘅水平仲有一段好大距離，今仗即使主場出擊都冇甜頭，英格蘭好大機會由頭贏到尾開1.65倍「客客」。

頂占筍盤：英格蘭（客客）

歐國外E組
盤路解碼

英格蘭近10場作客外圍賽成績為6勝4和。
三獅兵近4仗零失球

雙方上一次交手係07年歐國外，當時英格蘭主場贏3:0。

英格蘭近4仗保持零失球。

愛沙尼亞近9次主場出擊獲4勝4和1負。