聖日耳門贏兩粒No Problem

猪拉多纳

朗斯防線唔齊腳！

巴黎聖日耳門（PSG）依家喺聯賽雖然仲保持住不敗之身，但係頭9場足足和咗6場波，表現一啲霸氣都冇。今輪佢哋作客升班分子朗斯，對方開季表現仲差，依家喺下游徘徊， PSG「瑞典呂布」今場可能復出，要大炒對手一樣冇難度，1.76倍嘅「讓球客勝」值得捧！

（TVB302周六凌晨2:30直播）
PSG前線得卡雲尼「伊巴」未傷愈照上陣

今屆力爭法甲3連霸嘅PSG，開季至今雖然仲係未輸1場，但係踢咗9輪聯賽只係贏得3場，完全唔似得上季咁所向披靡！呢支法甲豪門開季表現唔達標，相信同「瑞典呂布」伊巴謙莫域受傷患困擾有關。雖然呢位瑞典神射手喺早前嘅國際賽周有入選國家隊，但係因為仲有啲傷，所以兩場都冇落到場。不過，PSG現時前線有拿維斯受傷，得番卡雲尼一個，教練白蘭斯可能都唔理得伊巴唔夠狀態，照樣出佢打正選，務求食硬朗斯。
朗斯近況唔掂

雖然PSG表現唔多掂，主力又受傷患困擾，好在佢哋今仗對手朗斯近況好曳，過去5場都未能贏波，仲要入得2粒，火力嚴重啞火，搞到只可以排喺榜下游。而且佢哋今場又有後防正選之一嘅洛文查拿哈利，因傷繼續做觀眾，簡達里亦同樣唔出得，防線人腳不整，又點頂得住伊巴同卡雲尼兩大射手呀？