歐聯拖累追住畢爾包嚟反

猪拉多纳

剛過去國際賽檔期爆出唔少冷門，西班牙、荷蘭以至德國令散戶跌晒眼鏡。不過大戶仍然係贏家，佢哋跟賽事跟得好貼，比較睇重球隊臨場表現，睇準先至出手。例如斯洛伐克對西班牙，當西班牙落後時，一般散戶往往加碼博西班牙反勝，但大戶呢場全力追斯洛伐克，結果中得應一應。下周中歐聯展開前夕，又係時間追住畢爾包嚟反，佢哋今季被歐聯拖垮，聯賽成績大受影響，主場讓唔起切爾達平半。

（now 632周日凌晨零時直播）

肥叔之前都講過，畢爾包傳統上重用本土球員，兵源及質素都有限，去到歐聯固然唔夠踢，同時亦因為分身兩條戰線，令球員疲於奔命，搞到西甲都受影響，真正兩頭唔到岸。畢爾包已經連續7場比賽未贏過，入得兩球頹到爆，信心同士氣都大受打擊，唔係一朝一夕可翻身。尤其係畢爾包歐聯兩戰未開齋，下周中作客波圖不容再失，更令人懷疑今場聯賽會有保留，讓波咪掂。
拖肥跌Watt難讓維拉

英超方面，「拖肥」愛華頓進攻冇晒上季嘅銳利，最慘連防守亦唔見穩陣，主場讓到阿士東維拉一球，比較過火。雖然話維拉聯賽三連敗，但對手分別係阿仙奴、車路士、曼城等強隊，輸波實屬非戰之罪，遇上表現走樣嘅愛華頓，維拉有力頂住唔輸。另外德甲漢諾威主場威力強勁，今季錄得3戰全勝，今仗主場對住慕遜加柏，仲有得受讓平半，識揀梗係揀下盤。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！

肥叔心水

曼城 上盤

拜仁慕尼黑 上盤

漢諾威 下盤

車路士 上盤

阿士東維拉 下盤

切爾達 下盤