BETTING GUIDE 國際賽後遺症吼車仔半和

猪拉多纳

(六)31 水晶宮 Vs 車路士

國腳如雲嘅豪門好易喺國際賽期後患上「國際賽後遺症」，球員返到球會報到，即使冇穿冇爛，狀態都難免會跌Watt，其中開季係威係勢嘅車路士將會作客水晶宮，一班「藍戰士」難再好似上幾場咁喺上半場就發力搶攻，初段隨時同對手處於膠着狀態，半場和捧得過。

（now 621周六晚10時直播）

記得車路士喺上月中旬主場對史雲斯一戰，當時國際賽期剛完，英超重開，「藍戰士」開波初段好似仲未瞓醒咁，結果先失一球，好彩嗰陣有狀態弗爆嘅迪亞高哥斯達喺臨完半場前入波逼和，跟住去到下半場成隊車仔終於都醒番，最尾全取3分。雖然車仔避免陰溝裏翻船，但睇到「國際賽後遺症」威力有幾勁，強如車仔都賴嘢「漏油」，都係唔好期望佢哋今場喺上半場會有咩出色嘅表現嘞！
水晶宮半場六連和

見到車仔開季7戰6勝1和，來勢洶洶，相信水晶宮都會穩陣行先，一心死守求1分，而且呢隊波已經連續六場開出半場和，半場和認真值得考慮！

半場主客和：和2.4倍

讓球主客和：客勝1.9倍

入球大細：大1.68倍