洛辛堡主場大爆發

猪拉多纳

今晚挪超尾場上演壓軸好戲，由傳統班霸洛辛堡主場火併華拉倫加。華拉倫加今季持續浮浮沉沉，後衞成日唔集中失埋晒啲無謂波乃致命傷，好彩仲有新星卡查坦臣彈起，呢位90後前鋒於聯賽攻入二十四粒，喺射手榜一枝獨秀，如果唔係佢橫空降世，拍住卡耶斯薩希迪頻頻士哥，華拉倫加早就跌入降班漩渦喇！洛辛堡亦非善男信女，近六仗贏咗五場守住前三位，箭頭蘇達倫於前線着晒火，累積十四個入球僅次於卡查坦臣，今仗兩人正面交鋒，勢必大鬥射術，梗係玩入球大啦。

（周一凌晨2時開賽）