美職：羅比堅尼銀河玩「大」佢

猪拉多纳

（日）67 洛杉磯銀河 Vs 西雅圖海灣者

美職常規賽重頭戲聽朝爆發，洛杉磯銀河主場對西雅圖海灣者，梗係要玩1.57倍入球大。現時兩隊同分，餘下2場常規賽正面對撼，形勢上等於「兩回合決賽」，邊個贏邊個做常規賽一哥。既然大家都想威，梗係要玩「大」佢啦！

（TVB301台周一早上8:15直播）

銀河上星期作客以1:2不敵FC達拉斯，主要因為射手羅比堅尼去咗踢國際賽缺陣，之前佢連續3場聯賽入波，今場可以拍番當路雲同薩迪斯爭取入球，威力唔講得笑。而且銀河對上一次喺聯賽冇波入，已經係5月18日0:1不敵侯斯頓戴拿模，對住火力同樣強勁嘅海灣者，唔開大都幾難。