基達菲頂得住皇蘇

猪拉多纳

皇家蘇斯達近況一般，已經連續5場冇贏波，今輪返到主場對基達菲。雖然皇蘇自04年起喺主場對基達菲都冇輸過，但係佢哋數名主力受傷，對住表現回勇嘅基達菲，要反彈絕對唔容易。基達菲呢場仲要受讓1球咁筍，梗係要撐2.42倍嘅「讓客」啦！

（開賽時間：周二凌晨2:45）
皇蘇連續5場未贏過

皇蘇今季喺西甲表現麻麻，除咗爆冷以4:2擊敗皇家馬德里之外，就已經未贏過波，搞到依家喺低位徘徊。皇蘇搞成咁，最主要都係因為幾件主力受傷，今周佢哋仲有中場艾路斯當度、守將卡路士馬天尼斯同迪拉比拿養傷，人腳唔齊想保住過去兩季主場對基達菲嘅不敗身，同埋走出連續5場不勝嘅頹勢，真係一啲都唔易。

相反，基達菲季初表現雖然都唔好得幾多，但係近兩場都成功保留不敗，9月底主場贏馬拉加可以話係打咗支強心針。雖然過去兩個禮拜因為國際賽周期冇比賽，對佢哋狀態可能有啲影響，但係基達菲要頂住殘陣應戰嘅皇蘇，相信唔難，受讓1球嘅「讓客」的確值得一試！