祖記踩油突破死亡A組

猪拉多纳

歐聯A組意外成為「死亡之組」，兩輪過後，兩支被睇低一線嘅奧林比亞高斯、馬模，可以同上屆亞軍馬德里體育會、意甲名牌祖雲達斯同分，令唔少投X者跌眼鏡。不過歐聯水平高，非常考驗球隊耐戰力，來到分組賽中段，整體人腳質素較佳嘅馬體會及祖記只要一踩油，應該可以跑出。祖雲達斯作客小讓希臘球隊奧林比亞高斯平半，上盤備受追捧，呈低水情況可以跟進。

（有線63台周四凌晨2時45分直播）

祖雲達斯喺意甲高一班，上仗大熱倒灶失分畀薩斯索羅明顯係輕敵，加上有歐聯後顧，令佢哋有所保留，但並唔代表祖記狀態下滑。事實上歐聯爭出線形勢比意甲激烈，祖記暫時放開聯賽，集中力量踢歐聯亦好合理。以祖雲達斯今季強勢，只要發揮正常水準，要過奧林比亞高斯呢關並唔難。
奧林比亞高斯輸經驗

奧林比亞高斯首輪爆冷贏馬體會，但上輪不敵同組最弱嘅馬模，表現好飄忽，反映佢哋冇能力喺呢項大賽保持水準。來到緊張關頭，球員經驗及心理質素好重要，呢方面奧軍比祖記輸蝕。

同組另一場，馬體會雖然表現冇上季咁銳利，但主場威力仍然可靠，上月炒西維爾四蛋夠晒霸氣。今仗主場對實力次一級嘅瑞典球隊馬模，主場應可大勝。