卓普利斯「讓客」食刺

猪拉多纳

熱刺今季表現「海鮮」，聯賽已經唔多掂，喺歐霸盃分組賽踢到依家都仲未打開勝門，再唔贏波就好閉翳。今晚熱刺喺歐霸盃會對住C組榜首卓普利斯，話就話係主場出擊，但佢哋喺歐霸盃不時出大量副選，所以都係撐3.65倍嘅「讓客」穩陣啲。

(有線61、201周五凌晨3:05直播)
熱刺出副選靠唔住

熱刺上周英超畀曼城大炒4:1，繼續佢哋喺聯賽「遇強即屈」嘅走勢。佢哋周中返到歐霸盃戰場，雖然係主場出戰，對手卓普利斯又唔係啲咩歐洲一流勁旅，但唔好因為咁就覺得熱刺必勝，事關呢支倫敦球隊近年一直都想打入英超前4殺入歐聯，對歐霸盃呢啲「雞肋」唔係太上心，多數都係派副選上陣，基斯甸艾歷臣、查迪尼等主力分分鐘唔披甲，表現冇保證。

對手卓普利斯近期都幾Fit，近5場正式比賽攞到4勝1和嘅亮麗戰績，雖然佢哋未至於贏埋，但面對熱刺副選盡出，要和波搶1分唔算係難事啫！

歐霸盃C組