修咸頓勝完可以再勝

猪拉多纳

連場入球騷 大戶飲得杯落

周中歐聯投X氣氛熱烈，尤其係周三凌晨嘅E至H組合共八場波，竟然炮製咗四十個入球破晒單日賽事紀錄，其中拜仁（對羅馬）同薩克達（對巴迪）作客一開波擺出一副戰鬥格，擁有鯊魚般敏銳嗅覺嘅大戶聞到一股大炒味，當然機不可失，見到佢哋一入波，無論係讓球盤定大盤都繼續追，冇因為贏緊而收手，之後兩軍係咁狂數開出「客其他」，連同車路士及史浩克04各自上演「主其他」嘅入球騷，加埋皇馬、馬體會大盤及一早買定嘅莫斯科中央陸軍（對曼城）嘅下盤，大戶真係賺到盆滿缽滿。

言歸正傳講番今晚賽事，喺英超氣勢如虹嘅修咸頓主場迎戰史篤城，雖然「聖人」今夏慘遭列強「肢解」，多名主力蟬過別枝，但呢班波嘅青訓體系出名好嘢，又擅執二線聯賽嘅筍貨，最重要佢哋並非名牌球隊，就算讓波都唔會讓得好辣，況且史篤城表現比較飄忽，以「聖人」上仗狂贈新特蘭八隻光蛋氣勢，今仗只係讓一球幾抵玩，寧買當頭起，呢個上盤有買趁早喇。

（now 623周六晚10時直播）
慎防多蒙特「變臉」

至於喺歐聯踢到曉飛嘅多蒙特，今晚返德甲喺主場出戰漢諾威，不過「蜜蜂兵團」近五聯賽未贏過兼輸四仗，慎防佢哋又「變臉」，讓得多不如捧對家。

（有線61及201台周六晚9時30分直播）

最後西甲艾美利亞主場硬撼畢爾包，後者今季兼顧歐聯搞到兩頭唔到岸，拖累埋聯賽戰績，依家跌到落尾四，近九場正式比賽（連同歐聯）更未嘗一勝，狀態曳到冇朋友，作客今季表現硬淨又唔易輸嘅艾美利亞，畢爾包邊有本錢讓波呀？梗係撐下盤啦！

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！

SAMVO肥叔