墨爾本打吡做「大」龍鳳

猪拉多纳

（六）2 墨爾本勝利 Vs 墨爾本城 澳職 16:45

今日下晝澳職爆發墨爾本打吡，由「勝利」主場硬撼「城」。勝利嘅整體實力好強橫，新兵好似貝利沙同卡爾華拿里等已經開始融入球隊，相信發揮會愈嚟愈順暢；而墨爾本城今場又繼續有射手韋拿壓陣，基於雙方都有大把入波本錢，當然要1.7倍入球大啦！

（有線64及203周六下午4:45直播）
澳洲傳媒預計坐爆場

呢場墨爾本打吡可以用「萬眾矚目」嚟形容！澳洲傳媒預計今場波「FULL HOUSE」4萬7千張飛可以全部賣晒。現場有咁多擁躉捧場，肯定班球員踢起嚟會加多兩錢肉緊，一於入多兩球多謝球迷啦！

先講「勝利」，佢哋喺首輪聯賽以4:1大勝西悉尼流浪者，表現夠晒霸氣。雖然鋒將貝利沙、中場卡爾華拿里同守將迪比亞等等都係新兵，但經過磨合後，肯定更有火花，我認為勝利嘅表現可以進一步提升。

至於由貝利沙同艾奇湯臣合組嘅鋒線有幾猛？係澳職擁躉嘅，你明嘅！不過墨爾本城亦唔輸蝕，事關佢哋擁有全聯賽最超班嘅射手韋拿，呢位32歲西班牙球星喺頭兩輪聯賽都做咗「救世主」，連續兩場一上場就有波入，球隊唔使輸之餘，每場都搶番一分返嚟，認真好腳頭。
韋拿踢埋第4輪走人

消息話韋拿踢埋第四輪，就會返紐約同新東家報到，唔少球迷同隊友一定好唔捨得佢。韋拿雖然就快鬆人，但今場打吡戰，佢都會盡力冧班Fans，由佢拍住杜夫攻堅唔使慌冇波入啦！不過由於墨爾本城防線都幾多甩漏，應該屬入得又失得嗰類，所以呢場「大」龍鳳實做得成啦！

頂「占」筍盤：墨爾本勝利（入球大）

有線球彩台主持阿占

電郵：soccer64@cabletv.com.hk

面書球彩專頁：http://fb.com/icable64

PHONE波熱線：1831 678

「超級星期六」：晚上9:00至周日凌晨2:30