鳳凰「夫添」擊落噴射機

猪拉多纳

周日澳職頭場戲碼，威靈頓鳳凰主場鬥紐卡素噴射機，1.82倍主勝值博。鳳凰雖然喺開咧戰主場不敵珀斯光輝，但佢哋其實狀態唔錯，中場猛將麥堅治連埋上輪擊敗中岸水手，已經連續兩場聯賽有士哥，新援尼敦般斯亦取得加盟後首個入球，進攻火力有保證兼「夫添」出擊，信得過。
噴射機係咁作客勁蝕章

另邊廂，紐卡素噴射機上季首席射手阿當泰加特轉投富咸後，鋒線頓失所依，摩拉利斯紐曼同艾臣蒙達路一對南美箭頭，根本未完全融入陣中，搞到出閘嚴重脫腳，連同澳足盃、季前熱身賽同聯賽，6戰1和5負未贏過，點信得過？再者，佢哋嘅賽程勁惡啃，頭4輪聯賽都要作客出戰，今場仲話要飛去新西蘭，頻頻撲撲想唔腳仔軟都難啦，點贏波呀！

（日）9 威靈頓鳳凰 Vs 紐卡素噴射機