猛火飛腳「大」鬧東京

猪拉多纳

日職已經鬥到入直路，大阪飛腳今晚喺主場對FC東京，梗係捧1.73倍入球大穩陣。雖然飛腳周中意外輸波，但佢哋專登安排射手安達臣柏德列打後備，擺明要搏呢場爭標，撞啱東京有超新星武藤嘉紀上位，咁猛火鬥入波，好易開入球騷。
東京新星武藤誓破紀錄

飛腳周中臨尾香失波，作客以0:1不敵柏雷素爾，但最有爆炸力嗰件箭頭安達臣柏德列只係後備落場，睇得出教練長谷川健太，其實上仗只係希望執1分，想喺呢場先嚟搏命開W，今仗肯定喪攻。可惜佢哋件中堅岩下敬輔停賽，佢嘅拍檔西野貴治又未好番，主場要搶分只能夠焗攻。另邊廂嘅東京，土炮新星武藤嘉紀只要再入兩球，就可以成為日職史上，首季登場入波最多嘅球員（現時紀錄13球），今晚點都會騷哥利，撐佢就玩「大」佢啦！

（日）17 大阪飛腳 Vs FC東京