皇馬副選敷衍丙組仔

猪拉多纳

剛於國家打吡贏波嘅皇家馬德里，周中轉戰西班牙盃，喺第4圈作客丙3球隊哥尼拿。皇馬近期雖頻頻贏波，但今仗面對弱旅相信會畀一眾主力抖吓，而球隊後備力量始終與正選有段距離，面對防守力唔錯嘅哥尼拿未必可以大勝，今仗捧細盤！

（now 632周四凌晨3時直播）

皇馬剛於國家打吡擊敗巴塞隆拿，呢場勝仗係非常重要，不單止係喺積分榜拉近同巴塞嘅距離，對球員嚟講更加係打下一支強心針。不過，大戰過後人馬俱疲，今仗西班牙盃對手哥尼拿實力一般，相信主帥安察洛堤會畀一眾主力如C朗、賓施馬、占士洛迪古斯等休息，由艾斯高、伊拿拉文迪等二線兵擔正。
哥尼拿近6仗僅失4球

皇馬副選質素始終同C朗等有距離，要好似之前4連勝咁每場起碼攻入對手3球，相信唔係一件易事。至於丙組仔哥尼拿目前喺聯賽積分榜排第7，球隊近6仗失4球防線表現非常穩健，今仗主場面對皇馬相信都會繼續踢得保守，相信皇馬一班二線兵要取得入球絕非易事，今仗捧細盤。