百威紀錄爭泥仲強

不死鸟

昨日講到練馬師吳定強以操練為主提升馬匹狀態去爭勝，他此種慢工出細貨當然要深得馬主信任方可為，而馬主亦要有耐性，假如兩者之間其中一樣欠缺亦難於成事。
今日所講馬匹「百威紀錄」（上圖）便是例子之一，此駒係前季來港加拿大自購馬，評68分在三班起步，馬主將牠入主吳?，而牠前季上陣七次全數落敗，跑得最近?成績都只係跑第九，以自購馬身份來講表現屬差強人意，睇番前季無表現原因，主因牠屬慢熱馬，而且適應水土慢，加上身型長期偏肥，而練者吳定強素來唔作風急進，操練上無壓迫性辣操，而在毫無狀態之下，要牠有表現幾難做到。
「百威紀錄」上季出賽共13仗，遲至到煞科日於田草5班1400米才打開勝門，雖謂只係贏「神機妙算」此匹唔起眼馬，但「百威紀錄」有大幅進步則不爭事實，首先係見到牠身形紮實有線條，不像過往肌肉鬆泡泡偏肥，明顯係適應水土後，再加上練者吳定強以慢火煎魚手法將其狀態提升，按該役贏馬末段追勢強勁，更深信呢匹5歲遲熟馬已轉趨成熟，既然馬匹開始踏上升軌，健康正常下必會持續進步，現時評37分仍在5班作戰有力反彈，睇番外地賽績4戰泥地全入前四名，贏馬一役係1700米，素知加拿大血統馬跑泥地威力強勁，相信練者今季會將牠轉戰泥地爭功，跑一哩或1800米必可交出頭馬成績。