金添好運前景看俏

不死鸟

葉楚航從練多年雖然未試過登上練馬師冠軍，但亦從未試過贏唔夠數，表現就好似英超入面?愛華頓咁，經常都唔入爭標組，但亦從未受過警告的威脅，呢個馬房予人的感覺係相當務實，回顧航哥前季贏43場，上季航哥保持番本身水準贏?45場，表現的確十分平穩。
另翻查上季航哥表現最好的場地係田草，獨佔26場頭馬，成績最好係1400米共贏?15場，另谷草一哩亦佔去9場，不過谷草1000米就真係不敢恭維，因佢共派22匹馬跑此程，竟只得1亞2季，來季見旗下馬匹跑此程真係要三思。
環顧依家航哥手上籌碼頗多，相信仍可保持贏40場，其中「金添好運」（圖）最有機會扶搖直上，此馬上季4戰得1冠2亞，性格非常忠心，具備高班馬條件，上季尾休息?4個月煞科日始復出，竟然可以跑第二，反映鬥心非常強橫，現仍處3班大佔便宜，值得盯緊。