(日)10 莫斯科火車頭 Vs 莫斯科戴拿模

猪拉多纳

今晚俄超直播戲碼上演矚目打吡，由莫斯科火車頭主場迎戰莫斯科戴拿模。雙方喺上周中俄盃命途迥異，前者險勝晉級，相反戴拿模則被魯賓卡山踢出局，不過佢哋正選特登收起射手高哥連及中場發電機迪素迪沙基兩名猛將，擺明為打吡戰留力喇。由於火車頭全面復甦，之前五仗贏咗四場氣勢如虹，相信戴拿模初段唔敢冒進，隨時玩拉布鬥磨，佢哋近六仗五開半場和，咁好路不妨追多鋪。

（now 670周日晚6時30分直播）