白蘭恩搶W護級大過天

猪拉多纳

話咁快挪超仲有兩輪就煞科，聯賽冠軍同歐霸盃席位已經塵埃落定，惟獨降班仍有變數，3支榜末球隊桑恩達、白蘭恩及辛尼斯仍有望取得護級附加賽資格，唔使直接降班，呢三隊波嚟緊嘅賽事相信都會打甩髀。

尾二嘅白蘭恩今周喺主場會同尾三嘅桑恩達正面交鋒，兩隊為求取得附加賽參賽資格，肯定會踢得更進取爭勝，阿King認為今仗入波一定唔會少，一於捧大盤。

（周一凌晨1時開賽）
爭尾三踢附加賽

挪超賽制係排第15及16位球隊直接降班，尾三球隊則與甲組升班附加賽勝出球隊進行主客兩回合附加賽，爭奪一個挪超席位。現時排14位嘅桑恩達有24分，領先第15位嘅白蘭恩1分及第16位嘅辛尼斯3分，球隊為求保住附加賽參賽資格，今仗作客對白蘭恩一定會全力搶W。白蘭恩同樣要為爭奪附加賽參賽資格而努力，球隊雖有後衞馬古斯莊臣及中場迪美杜夫續缺陣，但主場出擊相信亦唔會有任何保留，阿King睇好今仗會上演入球騷，一於捧入球大！
辛尼斯作客難贏史達

至於榜末嘅辛尼斯作客排第10嘅史達，球隊今季作客從未贏過，只錄得4和，今仗更有前鋒迪亞高羅比奧停賽，後衞安美祖漢臣及馬羅尼馬田亦因傷缺陣，相信難望擊敗主場出擊，無任何傷停問題嘅史達。