水晶宮上盤 夠贏有「特」

猪拉多纳

今晚英超上演1場獨腳戲，由水晶宮主場鬥新特蘭。「黑貓」開季表現頹爆，主帥普耶似乎冇晒辦法，剩係識將責任推落門將文路尼身上。咁嘅情況寧願揀火力唔差嘅水晶宮好過。主隊小讓平半，撐1.81倍上盤。

（now621台周二凌晨4:00直播）

新特蘭聯賽9戰只曾1勝，無論攻守都未如人意，近4戰有3場食白果之餘，對上2場仲喺修咸頓同阿仙奴身上狂吞10蛋，士氣直插谷底。領隊普耶賽前暗示改用後備門將彭迪利蒙擔正，擺明將輸波責任卸晒畀正印文路尼。但齋靠換門將無助解決防守不穩問題，更難幫球隊打破連續20場周二出戰英超賽事嘅不勝紀錄。

近況同樣麻麻嘅水晶宮3戰不勝，但火力比「黑貓」有保證得多，6戰射入10球，前鋒費沙甘保喺主場特別醒神，連續2場有士哥。賽前雖然傳出有美國富商睇中水晶宮，但雙方未有實際接觸，不過水晶宮梗係想贏波省靚招牌，今次仲唔出盡力打「落水貓」咩！